26-8-2006 Ruta Naviega

PLAYA DE NAVIA-PUERTO VEGA-BARAYO

Equi na playa de Navia, comincipía esta xornada, que va llevanos (somos Ana B., Ana P., Pina, Montse, Victor,Ana,Hugo,Ana,Victor I.,Patricia,Mª Paz y Cundi) hasta la playa de Barayo, onde dexamos d'algún coche, más que na pa no desandar lo ya caleyao.

Caleyamos por pistes y caminos, ente ocalitos y maizales, al borde delos acantilaos,la señalización ye bastante deficiente, y encima dexenme a mi la organización, ¡creía que ya me conocíen!

Baxamos y subimos a les playes que atopamos nel nuesu caminar,atravesando unes, bordiando otres. Anque non fai munchu calor, el día ta soleau. Pasamos por playes solitaries d'arena unes, otres de piedra.

A poco pa llegar a Puertu Vega la fame aprieta, polo que se fai necesario
alixerar les mochiles, ponemonos a xintar, cosa que se nos da bien, después d'una lixera siestina, baxamos al pueblu con ganes de tomar un cafetín.

Seguimos darreu'l camín a la nuesa meta, son les cuatro la tarde y el calor dexase notar.

Ya nel aparcamientu de Barayo, mientrés unos vamos polos coches que dexamos en Navia, el restu del personal non tien ganes de dase un bañu, y eso que la playa ta unos pasos más abaxo, pa mi que tan cansaos.

De vuelta a casa paramos en Piedras Blancas a tomar unes sidres.