27-05-2009 Peña Chana

LA CUETA-PEÑA CHANA-PICOS DE LA MORTERA-CUETALBO-LA CUETA

Tras desayunar y mercar el pan en Mieres, colamos pa Castiella en dos coches; Bernardo, Juan Carlos, Manolo, Angel, Emilio, Eduardo, Riestra y Secundino, llegamos a la Cueta (1467) el pueblu más altu de Lleón, fai sol, la temperatura ye agradable y tan abriendo'l chigre, comencipíamos a caleyar, son les 9.30.

Vamos por onde non taba previsto, da igual, cambiamos de planes sobre la marcha, subimos pol Barrancu de las Borras, hasta danos nos morros cola mole de Peña Chana (2068).

Al otru llau ta Asturies, llegamos al cumal amplíu y guapu tras pasar poles estrecheces de tola crestería, onde más duna y de dos vegaes hay que char les manes a les piedres.

Baxamos de Pena Chana, enseguía nos ponemos encima dela braña de Murias Llongas, semeyes a vista páxaru, un mastin mira parriba y lladrá ensín ganes, seguimos pola fastera pol mediu d'un gran canchal, vamos rodiando los Picos Blancos pa darreu algamanos nos picos la Mortera (2016) balcón natural del llagu'l Valle.

Tras una llarga parada, el día y el llugar invitaben a ello, tiramos pabaxo, crucíando más d'un neveru, cola Peña Orniz acaparando toes les miraes vamos dexandola de llau pa epicotanos nel Cuetalbo (2074) obxetivu inicial del día, deles vistes nun fai falta mentar na (a que non).

Sentamonos na campera a xintar seliquinamente a la par que arreglamos el mundu, como siempre'l mundu sigue igual no nos fai puñeteru casu. Corre una brisina, la xusta pa poner la chaqueta per riba los hombros.

Baxamos ya valle abaxo, crucíando' ríu Sil, agora una oriella agora la otra,tamos xustu onde xorrez y tovía se pue xugar conel.

En pocu tiempu, notase que ye cuesta baxo, llegamos a la Cueta, última semeya a la ilesia, acabase la tarxeta de memoria, la de créditu ya fai tiempo.

Más que llavanos bañamonos nel ríu, amás de casi secar la fuente, nel últimu trechu apretaba'l sol. Mientrés chapoteabamos nel agua xelá, el mastin que nos seguía non se llevantaba de la piedra calentá pol sol, casi se-y entendía lo que pensaba'l intelixente animal.

Tras caleyar 16,7 km. en 7 hores y 55 minutos incluyendo paraes, y subir un desnivel de 1182 m. bien merecía taba la cerveza nel chigre del pueblu, rexentáu polos únicos habitantes del llugar, de xuru que a chigre por familia (y non paecía numerosa) ye deles proporciones más altes del mundu.

06-05-2009 Peña Crimienda

TIELVE-VALFRIO-CABEZA PARDA-CABEZA BLANCA-CABEZA REDONDA-PARE PELLITERU-CRIMIENDA-TIELVE

A les 8.10 recoxenme Bernardo y Juan Carlos, llegamos a Villaviciosa onde fai ratu qu'esperen Eduardo y Riestra, tan poniendose nerviosos, seguro que ye pol café.

En Tielve (695) a les 10.30 comencipíamos a caleyar pista p'arriba, el día ta pistonudu, ni una nube, llegamos al mayáu Valfrío (1000) va calame la bota, cayenme tolos goterones de sudor na misma puntera.

Xiramos a la manzorga, fastera arriba hasta algamar el mayáu Entrejano (1140), vistes pergüapes al Urriellu, al Duje, los picos enllenos de ñeve.

Dexamos el senderu y algamanos el primer oxetivu del día, tamos nel cumal dela Cabeza Parda (1357), frente a nos tenemos tola sierra del Cuera y de refilón güeyamos un monumentu, meyor que sean dos, a la irracionalidá, paecen dos enormes pantalles de plasma, entrugamonos si será paque los rebezos vean la champions esta nueche.

De xuru que non pasarón ningún estudiu de impáutu ambiental, tamos baxo l'otru mamotretu en Cabeza Blanca (1394). Ponemos los güeyos nel afayaizu y prestosu mayáu Tordín (1210) entovía ensin antenizar y p'alla nos empobinamos.

Esti llugar si que ta bien colonizau, un buen rebaño de vaques da bona cuenta del pastizal, el cielu azul, el prau verde, la ñeve delos Picos, el Cuera y el azul del mar, ¿hay dalgo más? si home si, ¡el roxo deles vaques!

Caleyamos p'alantre y p'atras a ver si damos con dos hermanos que moren nesti llugar casi tol añu.
Enantes de seguir llenamos les cantimplores d'agua y metemos les cabezones nuna grande, grandisima, enorme cuevona.

A lo lexos, eso paez y ye la realidá, apaez el picu Crimienda, oxetivu principal de güei, enantes algamamos dálgún qu'otru cumal, Cabeza Reonda (1219) Pare Pelliteru (1213) con Tielve 600 m. más que baxo los nuesos pies baxo les nueses mochiles que siguen colgaes nes espaldes.

Recobramos el resuellu, poco más alientre empicipíamos a esguilar al Crimienda (1292) un ratín na cume, tira la brisina, asina que baxamos un trechu pa xintar como tien que ser, sentaos comodamente baxo la solombra d'un arbolón nel Cantu Pelliteru, son casi les 4.00.

Volvemos sobre nuesos pasos intentando dar cuna canal que nos dexe'n Tielve, no la alcontríamos asina que tiramos pola Senda'l Caoru.
Damos bona cuenta dela fonte qu'atopamos nel medíu'l camín.

Dexamos atrás les Praeríes de Portudera, un montón de semeyes más tarde tamos nel colláu Posadoriu (1220), tiramonos p'abaxo más centraos nes cerveces que nes piedres del camín.

Llegamos al mayáu Valfríu sin roar fastera abaxo, yera pindio de c...
Queanos la mitá dela baxada por facer, agora pol mismu camín que pola mañana.

Tielve onde te metiste... los deos gordos d'ambos pies tienen ganes d'acariciate, el gaznate necesita cerveza fresca y los güeyos agua pa aclariase.

Entramos nel pueblu como'l exercitu invasor, asaltamos el llavaderu eso si ensin desarmar na, agua por dientro y por fuera na fonte, cerveza con llimón nel chigre y col quesu cabrales que-i mercamos a la paisanina finamos esta xornadina.

Fuerón 8 hores nes qu'el calor acumuláu calentonos la sesera, subimos 1082 metros de desnivel y caleyamos 14,2 km.