16-12-2006 Picu Cunio

COLLA MOANDE-COLLA MERANDI-PICU CUNIO-SELLANO

Desta somos pocos, Victor, Milín,Josito, Cundi y Jorge S. los que en dos coches aventurámonos a facer esti viaxe por tierres ponguetes, nun día ñublao, anque con bona visibilidad, en siete hores caleyamos to esto, no sin esfuerzu.
Tras dexar un coche en Sellano, subimos nel otru hasta la colla Moande (665), con alguna dudía solventá por un lugareñu, crucíamos praos saltando más duna sebe pa llegar a la colla Merandi.

Siguiendo darreu ente la nieve hasta agarranos al buzón del Picu Cunio (1264) con bones vistes, hasta osos a lo lexos...y bastante frío.

De vuelta na collá Merandi, xiramos a la drecha pa, nuna llarga caminata atopanos en Sellano (460) onde tras acicalanos un poco, tomamos una cervecina bien fresca.


Ya ye nueche cerrá cuando llegamos a la colla Moande a pol otru coche pa baxar darreu hasta Villamayor, curva a la drecha, curva a la manzorga, curves abondo pa los dos llaos... y a casa a dormir, que'l día fizose llargu.

26-11-2006 Ferreirua

PUERTU VENTANA-PICU FERREIRUA-LES NAVARIEGUES-LA FOCELLA-PARAMO
Desta somos 17, los que tras un cafetín en Teverga, empobinamonos pal Puertu Ventana (1587). Pa facer la semeya de salía, ya hubo que sacar a más dun del coche, facía frío, moito frío que dirién en Galicia, por esti motivu u otru cualquiera solo van un par de semeyes. Taba tan xelao que paecía que dibemos hundinos na nieve, pero pa optimistas nosotros "esto pasa en cuanto nos movamos", los cojones, ca vez facía más frío, anque dalgún llevara pantalones curtios pa disimular, otros tabemos buscando guantes y gorros, al menos un pa ca oreya.
Empicotámonos no sin esfuerzu y con muchu cuidao, nel picu Ferreirua (1980), desde onde non se güeyaba casi na, dalgún rayu de sol pa Lleón, baxamos al collau Refuexu y al altu les Navariegues (1753) pa allegase a la braña del mismu nome, onde aterecíos de frío xintamos, dalgunos de pie ¿tan fríes taben les piedres? ente cabanes reondes.
Seguimos baxando a la vera'l ríu, güeyando de soslayu el tabayón del Xiblu, metemonos por un fayeu que nos dexa nes puertes de la Fociecha, pa llegar ya por un anchu camín a la Focella (1080) onde ya nun hay chigre ningún, naide quiso baxar pol camín asina que tos pola carretera hasta Páramu (830).
Dalgún coche habíamos dexao aquí, pa subir al puertu, esta vez a polos otros coches.
Mientrés apurabamos la última cerveza, dalgunos decídimos quedanos a cenar, el menu yerá lo suficientemente tentaor.

14-11-2006 Llagu'l Valle

VALLE DEL LLAGU-LLAGU'L VALLE
Güey tocayos a los caballos facer el esfuerzu, ¡pandilla ilusos!, una selmana d'agujetes, más que caballos paecíen funcionarios, no había dios que los ficiera movese. Llegamos ya tarde al Valle, son más de les 12 cuando tamos subíos al llombu delos funcionarios, empobínamonos camín p'arriba, si fueramos a pie llegabamos antes, el día ye soleau y la temperatura fresca y agradable, enseguía paramos a xintar un pinchín y tentar la bota vino, la espalda agradez esti descansu. Ya nel Llagu xintamos otru pinchín y dexamos descansar a los caballos, crucíamonos con unos montañeros, miraes de envidía, mutua envidía, yo prefería dir andando. Baxamos pol mismu sitiu y entramos al galope nel pueblu (había que vacilar anque costara sudor y sangre), ya camudaos y llibres de los animales de tortura xintamos un buen chuletón nel bar del pueblu.
En total fuerón 4 hores a burro.

01-11-2006 L'Abedular

PUERTU TARNA-L'ABEDULAR-VEGABAXU-PENDONES
Nun día nublau y con apenes 18º, salimos de Xixón 30 descerebraos, paramos a desayunar na Pola Llaviana, lo que non recuerdo ye onde.Ya nel Puertu Tarna, encuentrome con Paco que diba baxar en bicicleta hasta Brañagallones, al menos eso me dixo, nosotros a lo nueso, que ye empobinase a caleyar, de mano a la manzorga por una pista perancha anque algo embarra, pa deseguío (ya se tardaba demasiao) subir ente argomes hasta el collau (...) onde la niebla y el frío non desataben los mexores pensamientos.
Cola completa segurida de tar faciendo el bobo (yo), subimos al picu l'Abedular (1816). Merecio la pena'l esfuerzu, máxicamente la niebla llevanto, y ente un mar de nubes comincipiarón a apaecer picos a to alreor, menos mal que non había mosques, que tabamos tos con la boca abierta, fue empezar a baxar y volver la niebla y el frío.
Seguimos darreu ente la borrina pola collá la Forcada (1765) por to'l cordal, sin dexar de güeyar el gps, llegamos al collau Teixidiellu (1528) paecemos goriles na... baxamos pola biesca, tamos na seronda, les muyeres dicen que tan los árboles muy guapos, non digo na, yo tengo les plantes col mismu coloriu y dicenme que soy un desastre, no hay quién les entienda.
Crucíamos el ríu y tamos en Vegabaxo (1125), xintamos ente les cabanes, col banduxu llenu cuesta trabayu ponese'n movimientu, ya coxemos el camín y plantamonos en Pendones (782).
Tenemos que baxar a la carretera xeneral onde nos espera el autobus, la ropa fresca y la cerveza fría...bueno no, la cerveza ta un poco más pa baxo.
En total fuerón unos 14 km. cuna subía de 33om y una baxada de 1035.

12-10-2006 Picu la Llaguna

PIEDRAFITA-P.LLAGUNA-COLLAU ROCIN-YANANZALES-CASOMERA
Nesti soleau día, somos 32, los que salimos de Xixón, llegamos a Piedrafita (1290), poco más subenos al puertu, buen chofer, no me lu imaxino con un toterren. Paecemos un rebañu, tos en filera pola carretera que se queo'n pista, delimitá por unos moyones en forma bala xigante, que miden,¿3 metros?.
Con un puquitín d'esfuerzu llegamos al puertu, pasennos una banda quad-queros (otra forma d'entender el mediu ambiente), ya xiramos casi tos pa la drecha, pasando polos cumales del Cuetu Pandu,Alto'l Puertu y los Fueyos,baxamos a les llagunes y empicotamonos nel picu la Llaguna (1963).


Tras les semeyes de rigor desandamos el camín hasta dar con el golor la gasolina de los quads. Baxamos pola pista pol mayau San Pedro, y el collau Rocín, onde xintamos lo que traíamos nes mochiles.

Metemonos pola drecha na biesca, dalgún perdio la tortiella, que siguio de frente pol camín principal como si tuviera vida propia...
Crucíamos dalgún que otru regatu con muncha agua y dalguna ayuda, baxamos pola braña Yananzanes (1329) y l'aldea Yananzanes (770) onde ya no vive naide, pa darreu llegar a la Paraya, onde hay una central llétrica y algamar Casomera (615) onde nos cambiamos a la vera'l ríu.


Una dura xornada, con sol, temperatura agradable, unos 18º, nunes 7 hores caleyamos 18 km. con 673 m. de subía y 1348 de baxada.

01-10-2006 Peña Main

SOTRES-COLLAU PANDEBANO-PEÑA MAIN-BULNES-PONCEBOS
Na curvona de Sotres (900) dexamos la confortabilidad del autocar, mientrés nos faen la semeya de salía un avispáu paseante marchonos col gps, paecía-i que taba abandonau, tamién podía haber marchao col autocar, después de investigar quién había fecho la broma, ante la incredulidad que ningún fiyu de... poía andar tan arriba, dalgún tuvo que char una carrera pa recuperar el aparatu, los demás garramos palos invernales del Texu.
De momentu la ruta ye prestosa, fai sol, la temperatura ye agradable y ye cuesta ¡pabaxo! quién dixo que nel monte se sufría, (ya ta fecha la gracia) asina que toca ganar altura, a costa dunos bonos goterones de sudor, dexamos la pista, dalgunos dibamos bien palantre, non se bien quien vino a buscanos, pero non presta na volver patrás.
Nuna cabana del mayau Sotarraña falamos cuna paisana,vamos parriba hasta algamar la cumal de Peña Main (1605 m. y 1600 semeyes) les vistes son espectaculares, anque'l día empieza torcese, les nubes son bien oscures.

Tiramonos monte pabaxo hasta los invernales d'Arnandes, onde nos reagrupamos, al entrar en Bulnes (647), tal cuál paecía el paseu de Begoña, tolos que non subierón al picu tabén sentaos nuna terraza, tan a gusto que costo trabayu que dexarán sit'iu palos que llegabamos.
Mezclíaos ente turistes, dalgún aprovecha pa baxar nel funicular, a su favor tan les agujetes o les botes rotes...igual dalgún domingueru puso una quexa por dexar subir nel vagón a xente que güele mal (eh! pol sudor, malpens'au) o por envidía por haber güeyao'l Urriellu, no solo en semeyes.

Baxamos pola canal del Texu, única via de comunicación hasta fai bien poco, crucíando'l pontigu la Jaya tamos en Poncebos (300) onde, como no, después de camudanos de ropa y acicalanos un poco tomamos dalgún bebible brebaxe que nos repón de los 11 km. 720 m. de desnivel de subía y 1400 de baxada datos muy pero que muy aproximaos.

26-9-2006 Playa deles Catedrales

Güey diome por venir a la playa, mire la tabla de marees y pa Ribadeo, na vecina Lugo, ¿el día? de playa.
Conla marea baxa, muy baxa tien que tar pa ver esta playa en to so esplendor, y cargáu solamente cola cámara, bueno y tamién un bañador (puestu), paseé por tos los escondrijos desta playa disparando semeyes que paecía que taba nuna noria.
Y lo más importante, la playa taba casi vacía, cosa que güey ya ye imposible, hay xente anque te nevando.
Pa finar el día y tras dexar la cámara, un bañín y pa casa.