26-09-2007 Caín d'Arriba

PONCEBOS-CAIN (ruta'l cares)-CAIN D'ARRIBA
Queo n'Uvieu con Bernardo, ya en Cangues d'Onis desayunamos con Eduardo,Miguel y Riestra, allegámonos a Tielve, onde viendo la adversa climatoloxía decídimos dexar pa otra vegada la ruta prevista, asina sobre la marcha decidimos baxar al Cares, más que ná pa desentumecer les patuques.
Con ser entesemana, ya finales de brañu y cayer agua del cielu como si tuvierán pidiendolo de rodielles tolos Papas de Roma, encontríamonos con bastente xente na ruta.
Frío nun ta, ya cerca de Caín empezamos a ver rayos de sol, llimpío les gafes pa cerciorame del buen tiempu, pellizcase duel muncho, y pa celebralo tomamos una cerveza nel mismu pueblu.

Ya tenemos les pates desentumecíes, agora faltanos poneles picu arriba, na mexor pa ello que alleganos a Caín d'Arriba, como el so nome indica, ye p'arriba, bastante p'arriba.

Caín d'Arriba, grupu de cuadres, que tan arreglando bonamente, de xuru que dalgún madrileño merca una.

Xintamos a la vera una muria, cola música de fondo dún mastín que non dexa de lladrar.

Llevabamos ya tiempu faciendonos la misma entruga ¿cómo coño habíen subío to'l material?, la respuesta, por onde baxamos, una bona pista, ancha y con buen firme, que non encontramos pa subir, tampoco ye que la hubieramos buscao.

De nuevu en Caín retomamos la senda del Cares, y desoyendo tolos conseyos y adventencies que hay, baxamos hasta'l mismu ríu pa dir pola parte d'abaxo.
Al final aguanto'l tiempu y no nos moyamos más.

23-09-2007 Picu Jario

PANDERRUEDAS-PICU JARIO-SOTO SAJAMBRE
Salimos desdi Xixón, somos 19 los que agarramos el autobús, el día ta completamente despexáu y la temperatura ye bonible, paramos a desayunar en Cangues d'Onis, la siguiente parada ya ye'n tierres lleoneses. Nel Puertu Panderruedas tiramonos del autobús, tamos a 1450m de altitud.
Empobinamonos pal mirador de Piedrashitas, una primera vegada de semeyes y continuamos caleyando,vamos ganando altura y quitando ropa, casi to al mismu tiempu.
Pasamos pol Collau Viejo hasta situanos na Collada Blanca (1772) pa seguir hasta'l Collau La Muda (1813) últimu escalón pa empicotanos nel cumal del Jario (1913), les vistes son acojonantes, tenemos Oseja a nuesos pies, el cielo ye azul, ni una nube nel horizonte.










Arrexuntamonos tos y trás munches semeyes comenicipíamos el descensu pola píndia fastera. Adientrámonos nun fayéu, onde disfrutamos de la sombra hasta llegar al refuxiu de Vegabaños (1320) onde agradecense unes cerveces bien fresques.



Tenemos frente a nuesos güeyos los murallones del macizu occidental, seguimos darréu por una pista, apta ta toterrenos, dalgunos, la mayoría baxen pol senderu que los lleva pol medio la biesca, unos puquitines seguimos pola pista.

Tenemos la sana intención de alleganos al mirador de los Porros, colgau sobre Soto Sajambre, llegamos nun pis pas a Soto...pero ya nos llevaven unes cerveces de ventaxa, ventaxa que fue imposible recuperar.

Asina terminamos estos 17 km, con 462 m de subía y 990 de baxada, que nos tuvierón ocupaos durante 7 hores.

11-09-2007 Argaos

LLAGU ENOL-VEGARREONDA-COLLAU LA FRAGUA-TORRE LUEJE-LA ALTIQUERA-VEGARREONDA-LLAGU ENOL
Allegome'n tren hasta Uvieu, onde esperen Bernardo, Juan Carlos y Riestra, tiramos darréu pa Cangues, tomamos un cafetín y mercamos el pan pal bocadiellu, vamos hasta los perconocíos Llagos de Cuadonga, ye temprano y entovía nun tan activaes les medies reguladores del tráficu, asina que subimos ensin problemes.
Tras dexar el coche nel aparcamientu de Buferrera, ponemonos a dar zapata, rodíamos el Llagu Enol (1063) la mañana ta fresca, lo cuál agradese sobremanera. Atravesamos la Vega d'Enol y nun placenteru paseu situamonos en Pan del Carmen, onde a mio entender nun deberíen llegar los coches. Tan cargando material pal refugiu.
Crucíamos el río Pomperi (pol puente) y el famosu Pozu del Alemán, el senderu ponse pindíu, el día ta soleau y el calor non aprieta, lo que xunío al espectácular paisaxe fai más llevaderu'l camín, dexamos atrás Vega la Piedra y La Rondiella.
Pasamos los refuxios -el nuevu y el vieyu- de Vegarreonda (1419), seguimos ganando altura.

Ya vemos Los Argaos, nuestru destinu de güey.


Paramos un buen ratu nel cumal, vemos los llagos enllenos de coches, cuesta trabayu hechar a andar, les vistes, la tranquilidad, la compañía y la buena temperatura faen el día perfeutu.
Xintamos seliquinamente, casi rumiando como les vaques, el bocadillo y el mio inseparable yogurt líquidu.

Les nubes empiecen a asomar, tiramonos pa baxo, nel collau La Fragua, onde tan les vaques rumiando, decidimos subir a La Altiquera, que ta allí tan a mano. Paecía más fácil de lo que resultó, hubo que pegase y char mano a la paré más de lo recomendable.


De vuelta'l senderu, tamos encima del rufuxiu. Paramos a tomar un café, ye temprano y ya que nos lu ponen en mitá'l camín, hay que aprovechalo. El guardia nun ye muy sociable. El día ta tornandose gris, lo que nos mete la priesa nel cuerpu. Llegamos a Pan del Carmen ya a tientes, la borrina ya lo cubre to, pasamos a la vera'l llagu, pero no lu vemos, nun se ve un burru a tres pasos, según el dichu, anque güey podemos camudalu por esti otru de mio cosecha "nun se ve'l agua hasta que'l calcañu ta moyau".
Llegamos a los coches, onde nos cambiamos, seguíen llegando turistes, entrugandonos polos llagos, cuidao colos calcaños, na, no entendíen la respuesta. Ta'l día mexor pa velos nuna postal mientrés se toma algo caliente.