lunes, 16 de julio de 2007

16-07-2007 Silla Cabestredo

ARGOLIBIU-VALLE CARMENERU-BOYA OVIA-P.VALERU-P.CALDERON-SILLA CABESTREDO-MONTOVIU-ARGOLIBIU

Vamos desdi Uvieu, Bernardo, Juan Carlos y Cundi en Cangues d'Onis xuntamonos degustando un buen café, con Alberto, Eduardo y Riestra que vienen de Xixón.
Dexamos el coche en Argolibiu, el día ta soleau, la temperatura ye agradable, unos 18º, asina que tras aprovisionase d'agua nel mismu pueblu, comencipíamos a caleyar valle Carmeneru arriba.
Ganamos altor rápidamente, algamamos el collau la Boya (1029) y el picu Valeru (1230), baxamos a la Colladiella (1159) y pola crestería llegamos al picu Calderón (1243) y la Silla de Cabestredo (1269), y ya baxando pasamos pol collau'l Trechu (1193) y Montovio (1047). Ya tamos nel Porru Moneru (746) xusto al llau duna antena pergrande.

Tamos xusto encima Argolibiu, pero non encontríamos por onde baxar, y eso que intentámoslo abondo, damos vueltes y vueltes y na, non apaez el dichosu camín. Asina que pala pista otra vez, ca vez tamos más lexos del coche.
Entrugamos-i a un paisano que subía en toterren, indicanos un camín que acorta'l nuesu sufrimientu. Entruga d'onde venimos, si vimos les sos vaques...al decí-i por onde habíamos baxao, solo atina decir "digno cabres" y arranca nel toterren pela pista arriba.
Ya'n Argolibiu entrugamos a to'l pueblu, primero una paisana y poco más alantre a un paisano (pa que non haya discriminación) ambós dos nos señalen pal mismu sitiu y dexen el mismu comentariu "hay fiyín, allí salieronme los dientes"
De xuru que va tiempu que non pasa naide, ya ta fecho monte pa los sieglos de los sieglos.


Al final fuerón 9 hores pola frontera de Ponga y Amieva.