TUIZA RIBA-MEICIN-FORQUETA'L PORTILLIN-CANALON OSCURU-PALAZANA-PRAU ALBU-FARIÑENTU-TUIZA RIBA
Güey a les 8.00 recoxo a Riestra na estación de Llugo y a Juan Carlos n'Uvieu un poco más tarde, paramos en Mieres a tomar un café y tener un encontroníazu cola autoridad en forma de policía municipal, fue velu apaecer na moto y veles venir toes, la pinta chulesca y la actitud paternal por non dicir otra cosa, ta nun tris de multame pero prefier perdoname la vida.
Dexamos el coche nel ampliu aparcamientu de Tuiza Riba (1200) a mio nimíu entender otru sinsentíu dela administración, protexen el paisaxe fomentando'l turismu desaforaú: centru de interpretación postmodernu a media hora de refuxiu últimu gritu n'arquitetura... de momentu solo se pue llegar a pata...bueno volvíamos a lo nueso, fai frío y les ñubes tan bien agarraes a les cumes.En casi llegando a Tuiza d'Arriba paramonos a xintar, güeyando na fastera enfrente como los utres y dos mastines intenten xintar del mismu animal (ensin identificar), de momentu dexamos a los mastines ganando la partía.

No hay comentarios:
Publicar un comentario