lunes, 29 de enero de 2007

29-01-2007 Cruz de Priena

CORAO-CRUZ DE PRIENA-SIERRA LA ESTACA-CABEZA SEVERA-LES CARRIZALES-TELEÑA-ALEOS-CORAO

Recoxo a Manolo y a Juan Carlos n'Uvieu, ye'l últimu viaxe col Xsara, desayunamos en Cangues d'Onis onde ya esperen Eduardo y Riestra. Ya'n Corao comencipíamos a caleyar baxo'l sol que apenes calienta, fadrá unos 15º, asomamonos a la ilesia de Abamia que tan desconstruyendo (vieronse los resultaos meses más tarde), llegamos a Córigos, onde Manolo coxe una guiá que se convertirá nel tema del día.


...seguimos subiendo, baxo nuesos pies empieza a apaecer la nieve, ya na Cruz de Priena (725) hay más de mediu metro, facemos semeyes abondo, la basílica Cuadonga ta debaxo nuestru, ta pa tirar piedres, por ello fue famosu Pelayo y agora tol pueblu palestinu, a mi bien que me zurrarón siempre que me pillarón, ¡güaje non se tiren piedres!

seguimos la ruta, agora pola sierra de la estaca. Hay nieve abondo.

La nieve ta blanda, y hundese un hasta les rodielles. En llegando a les praeríes de Cuadonga cambiamos el rumbu, tiramos pa Cabeza Severa (771), y la sierra Argañeu, pa dar en Teleña, pueblín afayaizu onde topamos el chigre abiertu, lo que nos fai cayer na tentación de tomar una cerveza y charlar colos paisanos, que nos muestren la marca que identifica al dueñu la guiá, lo que pon algo nerviosu a Manolo, que ya no sabe que facer col dichosu palu.
Ya tamos en Cuetu Aleos, y en Córigos nuevamente, paramos a charlar cunes paisanes, el camín ya ye'l mismu de la ida, pasamos al llau de la ilesia onde dicen que ta/tuvo enterrau Pelayo, crucíamos el río pa entrar en Corao, dando por fina la ruta de güey. El día fue prestosu, con sol, temperatura agradable y nieve la xusta y en su puntu.