22-06-2007 Les Cuerríes

LES CUERRIES-COLLA TARANES-PEÑA CALERA-TARANES-TANDA-MESTAS-LES CUERRIES
N'Uvieu recoxo a Manolo y a J.Carlos, ya'n Cangues topámonos con Eduardo, Alberto y Riestra, que vienen de Xixón, tiramos pa Vega Segarba, dexamos los coches, nun furaquín xusto al llau del cartel indicaor de la ruta, ye lo único llímpio que atopamos, el cartel. De xuru que no lu volvierón a llimpiar desde'l día la inauguración.
Apenes se ve'l camín, ta enllenu de ortigues, crucíamos el ríu varies vegaes, pa un llau y otru hasta dar col llau buenu, barro hay abondo nos dos llaos.
Vamos remontando'l ríu, dexandolu ca vez más fonderu, al poco ya lu abandonamos, salimos a la manzorga atayando prau arriba, el verde casi fai dañu a los güeyos de lo intensu que ye, llegamos al colláu Taranes (1083) d'ahi al picu Calera (1165) nun pasu. Tenemos una bona caída en vertical hasta la carretera. Deles vistes non hablamos, mirai les semeyes e inaxinailes.

De vuelta nel colláu baxamos pola pista hormigona hasta les mismes entrañes del pueblu de Taranes, lo que quiero dicir ye que llegamos hasta la ilesia, onde xintamos tranquilamente a la sombra, el sol ya tiempu nos había dexáo en paz.

Volvemos a lo cimero'l pueblu a tomar un café nuna casa de turismo rural, pa mi que ye ilegal, son un poco guarros, no tien categoría p'albergar a naide.

Coles indicaciones que nos dan non llegamos a ningún sitiu, sirvennos pa perder más duna hora buscando'l camín pa finar de vuelta nel pueblu.

Encontríamos un rapazón que no atina a na, pedimosi los papeles dunos burros que yerén suyos según manifestó, ente cagamentos colo caleya abaxo ensin danos les osties que nos prometía.

Ya pola carretera baxamos a Tanda y alleganos hasta'l coche no sin parar antes nel balneariu de Mestas pa hidratanos na barra.

05-06-2007 Cuetu la Cerralosa

UDRON-BALCON DE PILATOS-TRESVISU-CUETU LA CERRALOSA-TRESVISO-UDRON


Paso a recoyer a Juan Carlos, que ta acompañau por Lola y Aurelio, vamos por Unquera pa coyer el desfilaeru la Hermida, en mitá'l desfilaeru, xusto na central d'Udrón (90) dexamos el coche y comencipíamos a caleyar, paez llano, incluso cuesta baxo, pero la sensación dura poco, el senderu, más bien ye un pedreru, bien anchu, ta bien marcáu, además nun hay onde salise sino ye pa despeñase, el sol calienta con ganes y les sombres no abunden, llegamos al Balcón de Pilatos, enigmáticu nome, ya tamos a mita de camín pa llegar al pueblu. Poco más arriba pasamos polos invernales de Prías, ya güeyamos la primera meta de la xornada, el camín paez qu'enllana, to ye relativo.



En Tresviso, detenemonos un poco a la sombra d'alguna casa, el calor aprieta guapamente, seguimos darreu.
El camín -ye un decir, el camín faise al andar- hasta'l Cuetu la Cerralosa (1565) hay que adivinalu. Nel Picu, la niebla empieza a envolvenos, pese a to, les vistes son acoxonantes.
Tras un breve piscolabis comencipíamos el descensu. De vuelta en Tresviso, tomamos una cerveza nel bar y compramos un quesu, el ya famosu "picón" de Tresviso, que pa dalgunos ye'l mexor quesu del mundo mundial, o ¿sería la fame conla que-i entrarón?




El camín de vuelta, ye'l mismu, agora toca baxalu, lo que ye un cachu más prestoso, dalgún misteriu hay n'ello.
Llegamos a los coches, que tan a la sombra, otru misteriu, habíalu dexao un poco atravesau y dalgún pescador advertíame con una notina nel parabrises, cuando tienen razón tienen razón.
Asina ponemos fin a esta ruta por tierres Cantabres, que nos duró unes 7 hores.
Marchamos pa casa que hay tovía hay un bon cachu.

02-06-2007 Jultayu

LLAGU ERCINA-VEGA D'ALISEDA-JULTAYU-EL JITU-LLAGU ERCINA
Güey somos pocos, pero valientes, que remediu, el día presentase primaveral, Josito, Victor,Jorge S. Ana P. y Cundi vamos hasta Cangues a desayunar, y ya puestos porque no subir al Jultayu.
Asina pues dexamos los coches nel llagu la Ercina (1120) y comencipíamos la xornada bordiando'l llagu pola drecha, n'agradable paseu llegamos a la vega'l Bricial, onde no va muncho había un llagu...

La cosa (el camín) ya se pon pindía, unesenos un montañeru que diba solu y ensin rumbu definíu, vamos subiendo pola vega de Aliseda hasta el collau Jermoso, no ye'l camín más transitáu pa subir al Jultayu, vemos rebecos y poco más, la niebla va metiéndose y solo oyemos un helicópteru de fondo. El terren ta llenu de jous que nos faen sufrir más de lo conveniente.

Enfilamos el Jultayu (1940) onde llegamos ente la niebla, paez que quier llevantar, lo que nos dexa unes vistes fantasmágoriques del macizu central.
Baxamos, intentando dir lo más recto posible, los jous ponénnoslo muy díficil, ye casi imposible, esto si que pue llamase rompepiernes.
Llegamos al collau'l Jitu (1620) lo que ye to un aliviu, de repente quitesénnos les ganes de derribar un helicópteru que tol día tuvo atronándonos la cabeza, debía tar aprovisionando al refugiu de la Vega de Ario.
Desde'l collau del Jitu ya ye camín, que anque sea pindíu, sobre to pola zona de les Reblagues, ye cuesta baxo y ta bien marcaú.




Pasamos pol mayau les Bobies (1227), la Veguina y güeyamos el llagu, onde lo más importante ye que ta'l coche esperándonos.

Tras tomar una cervecina, despedimonos del nuevu amigu, que paecía más cansau que nosotros, lo cuál ya ye díficil.
En total fuerón unes 8 hores de caminata.